AD (728x60)

Slider Section

Submenu Section

03/01/2008

A perda da Galescola de Carnota xa é oficial

Comparte e opina:
Ao longo do mes de decembro a Vicepresidencia da Igualdade e do Benestar da Xunta de Galiza comunicou ao Concello de Carnota a imposibilidade de aceptar a súa solicitude de prórroga para a reformulación do proxecto de Galescola de Carnota que aprobara o goberno anterior.

Dita prórroga era claramente inviábel, tal e como xa advertimos nesta mesma páxina e no Pleno correspondente, posto que a partida orzamentaria específica que financiaba a práctica totalidade da Galescola de Carnota caducaba en decembro deste ano, data en que a obra tiña que estar non só comezada senón rematada e entregada.

Calquera cun mínimo coñecemento da xestión pública tiña que sabelo, entendemos que o goberno municipal tamén tiña que sabelo. Non obstante optaron por insistir obcecadamente por derribar o proxecto xa contratado polo goberno anterior, facendo ouvidos xordos ás reiteradas advertencias do BNG e argumentando o "avanzado estado" dunhas supostas negociacións para ofrecer unha ubicación alternativa, das que nunca máis soubemos.

O BNG de Carnota lamenta que unha simple cuestión de apreciación rematara por dilapidar meses de esforzos da anterior corporación municipal e a boa disposición da Vicepresidencia para facilitar a instalación dunha infraestructura tan importante no noso municipio. A Galescola puido ser, e non foi. E o que é peor, se non foi é porque representantes políticos elixidos polo pobo non a quixeron.

O BNG vai instar a que a corporación municipal recoñeza publicamente a súa renuncia á Galescola de Carnota.

Ademais, seguiremos traballando na defensa dos veciños perxudicados e a prol de calquera iniciativa de apoio a instalación dunha Galescola en Carnota.
Etiquetas: , , , , , , , , ,

Hai 3 opinións.

  1. Malditos incompetentes...
    Dende que levan no goberno estanse perdendo a maior parte dos servizos, como escola de idiomas, informática e agora tamén a galescola.
    Parece ser que só se centra no urbanismo e en decirlle ós veciños o arruinados que están...aínda que dese tema falamos noutro capítulo.
    Saúdos

    Oreiro que siga así...e Carnota irá coma os cangrexos!

    ResponderExcluir
  2. E que alguén o dubidaba.
    Esto non e so incompetencia, que a hai e moita, foi feito con coñecemento de causa. Había que perdela e perdeuse. Causas para querer perdelas ocórrenseme unhas cantas.
    Que Carnota se quede sen galescola non ten importancia. O único que importa aquí son os intereses políticos e persoais do señor Oreiro e compañía. So aí que ver a cadro de persoal.
    O señor que vai a Madrid a levantar a man e vive de eso fai lustros, que xa esta profesionalizado no servilismo do seus amos.
    O señor reconvertido de non se sabe que ideoloxía tiña, e suicida frustrado cando pensou que tiña que volver ao andamio
    E a señora mitómana adoradora do señor dos madriles, cega politicamente, e sen puñetera idea de xestión e iniciativa nula.
    ¿Esperabades outra cousa de este cadro mais que este esperpento?

    ResponderExcluir
  3. Que escándalo, e despois aínda temos que ler na prensa que a gardería privada existente non da abasto:
    "desde a gardería de Carnota apuntan a que o reducido horario do centro, que só é de mañá, obriga a uns pais cunha xornada laboral completa a depender de alguén máis que da escola infantil para atender ao pequeno."

    (http://www.lavozdegalicia.es/barbanza/2008/01/23/0003_6502767.htm?idioma=galego)

    Menuda panda de incompetentes. E isto nada máis chegaren!

    ResponderExcluir

 

Artigos máis lidos

Artigos máis recentes

  • CEIP de Carnota
  • CEIP O Pindo
  • Asociación Cultural Canle de Lira
  • Asociación Veciñal Insua de Lariño
  • IES Lamas de Castelo
  • Asociación Monte Pindo Parque Natural
  • Plataforma Salvemos o Faro de Lariño
  • Cooperativa de Agricultura Ecolóxica Rainha Lupa de Quilmas
  • Asociación Veciñal Relámpago de San Mamede
  • Asociación Cultural Deportiva Recreativa O Patín de Carnota
  • Asociación Cultural Deportiva Recreativa Pedramar do Pindo
  • Asociación Veciñal Pedras da Area de Mallou e Maceiras
  • Asociación Veciñal Xurde Caldebarcos

Visitas

Na memoria de Antón do Corenteno e Euloxio Franco

Páxina web da Asemblea local do BNG de Carnota. Todos os contidos desta páxina distribúense baixo licenza Creative Commons 2.5 menos onde se exprese o contrario. Isto é un traballo de Connosco baseado en Templateism.com. Séguenos nas nosas redes sociais: