Edición nº 28 correspondente ao inverno do 2008 deste Voceiro local do BNG de Carnota, desta volta cunha sorpresa moi especial para alegrar eses tempos de invernía.

Sumario:

• «Cámbiase traballador de Carnota por un de fóra, custe o que custe»
• O alcalde das disculpas e lamentos
• O PP acusa de crispar crispando
• As insólitas aventuras do Mariscal Nonarrasca
• Galescola «enterrada no monte»
• Centro Interxeneracional si, pero non
• Un por dous, dous; dous por dous, catro...

Novas relacionadas

• A Moa nº 27 (verán do 2008)


• A Moa nº 26 (primavera do 2008)


• Ver todas as edicións dispoñíbeis

Espallar esta nova [+]

Se os seis primeiros meses desta lexislatura do PP de Carnota se caracterizaron pola perda de servizos fundamentais (Galescola, Escolas de Informática, Escola de Idiomas, redución do servizo de axuda a domicilio…), este último ano caracterizouse pola creación de novos impostos como os das taxas polos servizos administrativos (fotocopias, compulsas, certificacións…), o cobro do servizo de axuda a domicilio, etc. Isto debeuse a unha clarísima e absoluta falta de xestión do equipo de goberno do PP, motivada pola acción de goberno errática que está marcando a lexislatura.

Pero ademais, outro factor que influiu extremadamente na crítica situación que vive o concello de Carnota foi a substitución de personal residente no noso municipio (e para cuxos salarios se dispoñian de axudas) por traballadores alleos contratados directamente, o que ademais aumentou moi significativamente os gastos municipais nese concepto. Para que vos fagades unha idea, estas son as cifras:

CONTRATADOS POLO PP (Todos de fóra do concello)	DESPEDIDOS POLO PP (Todos veciños do concello cualificados)
Animadora cultural Técnico de deportes Profesor Educación de adultos Electricista Periodista actualizador da web Administrativa de apoio á alcaldía Membro da cadrilla de obras Profesor de baile	1. Animadora cultural 2. Técnico de deportes 3. Profesora Educ. de adultos 4. Técnica informática 5. Técnica informática 6. Coidadora maiores 7. Técnica de Norm. Lingüística 8. Técnica de Cultura 9. Administrativa
Custo total aprox. para as arcas municipais: 150.000 € / 25 millóns de ptas. (Só nos consta un subvencionado)	Custo total aprox. para as arcas municipais: 10.000 € / 1,7 millóns de ptas (Todos subvencionados)

Isto é o que nós chamamos xestión da crise: Despedir personal perfectamente cualificado (veciños, para máis señas) e contratar a xente de fóra por dez veces máis do que cobraban os de antes, soldos que ademais sufragaban na práctica totalidade outras administracións grazas aos moitos acordos acadados para iso nas lexislaturas anteriores. E iso por non falar das novas contratacións de -cando menos- dubidosa necesidade nos tempos que corren, das que xa falaremos ao seu debido tempo. Está claro que actuando deste xeito teñen que aparecer problemas económicos pola forza.

As cifras cantan por sí soas, sobran máis palabras. Só vos imos convidar a facer unha pequena reflexión: Será que en Carnota non hai personal técnico cualificado, que hai que ir buscalo fóra do concello custe o que custe?

Novas relacionadas

• A crise económica acentúase en Carnota por mor da ineficacia do seu goberno


• Estannos arruinando (Análise do estudo financieiro) [A Moa nº 27, páx.2]

Espallar esta nova [+]