AD (728x60)

Slider Section

Submenu Section

23/04/2019

Moncho Noceda, nº 11 do BNG de Carnota

Comparte e opina:
Foto: La Voz de Galicia
Pechando o tramo titular da candidatura do BNG de Carnota, no nº 11, concurre Ramón Noceda Caamaño, Moncho O Roxo, histórico militante nacionalista e alcalde durante un total de catro mandatos, quen agora decidiu poñer punto e final á súa traxectoria á fronte do goberno municipal, ao atoparse xa próximo á idade legal de xubilación.

Pouco queda sen dicir aínda deste veciño de Lira, natural de Lariño, que o foi todo dentro e fóra do Concello. Operario de profesión, e moi querido entre veciñanza e camaradas pola súa humildade, sempre fixo gala dun inmenso compromiso por Galiza que o levou desde rapaz a militar no nacionalismo na clandestinidade, nuns tempos onde iso implicaba o enfrontamento directo coas autoridades policiais dun réxime franquista que se negaba a desaparecer.

Moncho (2º pola der.) de sentada na Praza de Galiza en 1983
Moncho viviu de pleno aqueles convulsos e á vez ilusionantes anos nos que o nacionalismo saía da clandestinidade para comezar a recuperar para o pobo galego as prazas do País; mítica é a foto de Moncho sentado na praza de Galiza de Compostela con moitos outros compañeiros en sinal de protesta, cando a policía franquista aínda prohibía ao pobo acceder á zona vella para reivindicar o 25 de xullo, Día da Patria). Despois das prazas chegaron as alcaldías, e unha das primeiras en caer foi a de Carnota, por suposto coa alcaldía de Moncho, primeiro cun nivel de apoios precario, e logo cunha apabullante e nunca máis reeditada maioría absoluta de 8 membros.

Tras un longo periodo apartado da política municipal, en 2010 Moncho asumiu o reto de tratar de rescatar o goberno de Carnota das mans duns pésimos xestores do PP que o saquearon economicamente e deixaron ao borde do colapso, e o levaron a un retroceso democrático sen precedentes. Moncho cumpriu sobradamente o obxectivo tras facerse co goberno en minoría en 2011, e xa cunha solvente maioría absoluta en 2015; isto permitiríanos recuperar, sanear e estabilizar o Concello, mesmo retomando a senda dos proxectos e investimentos cuxos froitos estamos vendo.

Moncho Noceda é un deses imprescindíbeis que falaba Bertolt Brecht; e desde logo nada será igual en Carnota sen a súa figura á fronte. Porén, temos a seguridade e tranquilidade de que a nova persoa que asume o mandato da militancia do BNG, Milucho Louro, é a mellor das opcións posíbeis para Carnota no tempo actual, e que Moncho estará sempre, mentras lle quede un alento, ao noso lado para axudarnos a seguir escribindo a Historia deste Concello, do noso País e da súa xente. Por iso ten máis que gañado este premio á súa traxectoria vital e política: o poder tomar agora un merecido descanso dos durísimos avatares da primeira liña política, e centrarse en disfrutar da súa xubilación, a súa familia e a súa gran afición, a pesca deportiva.
Etiquetas: , , , , , , , , , , , , , ,

Hai 0 opinións.

Publica a túa!

 

Facebook

  • ACEP Carnota
  • ACDR Asaghieiras
  • CEIP de Carnota
  • CEIP O Pindo
  • Asociación Cultural Canle de Lira
  • Asociación Veciñal Insua de Lariño
  • IES Lamas de Castelo
  • Asociación Monte Pindo Parque Natural
  • Plataforma Salvemos o Faro de Lariño
  • Cooperativa de Agricultura Ecolóxica Rainha Lupa de Quilmas
  • Asociación Veciñal Relámpago de San Mamede
  • Asociación Cultural Deportiva Recreativa O Patín de Carnota
  • Asociación Cultural Deportiva Recreativa Pedramar do Pindo
  • Asociación Veciñal Pedras da Area de Mallou e Maceiras
  • Asociación Veciñal Xurde Caldebarcos

Visitas

Na memoria de Antón do Corenteno e Euloxio Franco

Páxina web da Asemblea local do BNG de Carnota. Todos os contidos desta páxina distribúense baixo licenza Creative Commons 2.5 menos onde se exprese o contrario. Isto é un traballo de Connosco baseado en Templateism.com. Séguenos nas nosas redes sociais: