AD (728x60)

Slider Section

Submenu Section

01/09/2007

A nosa costa é mariñeira e deportiva

Comparte e opina:
As administracións competentes (Deputación da Coruña, Xunta de Galiza e Goberno do estado) veñen de destinar arredor de 240.000 € para creación e equipamento de bases náuticas en varios concellos da Costa da Morte, entre eles Carnota, dentro do Plan de Dinamización Turística da Costa da Morte.

A primeira medida consitiu xa na contratación de casetas para as respectivas bases náuticas, por valor aproximado de 40.000 €. Estas bases serán equipadas pola Deputación grazas a un investimento superior aos 200.000 € para a compra de equipos de buceo, táboas de windsurf, catamaráns, kaiaks e embarcacións semiríxidas que se comezarán a repartir nesta primeira quincena de setembro entre as novas bases náuticas dos concellos integrados no Plan de Dinamización, é dicir Carnota, Muros, Corcubión, Camariñas, Malpica, Ponteceso, Carballo e Laracha.

Por outra parte, acabamos de saber que a Consellería de Pesca da Xunta de Galiza acaba de aprobar o proxecto "Desafío Portos Pesqueiros" deseñado pola AGAN (Asociación Galega de Actividades Náuticas). Esta iniciativa de promoción sociocultural pretende involucrar a mariñeiros e confrarías en actividades medioambientais e deportivas, especialmente mediante a práctica da vela, e abranguerá a varias confrarías do noso entorno, entre elas a do Pindo e a de Lira. Os usuarios das confrarías implicadas e familiares poderán participar de xeito gratuito no "Taller de Barco Xeiteiro", que contempla saídas en barco polo entorno e bautizos de mar en veleiro e kaiak. Hai un límite de 30 prazas.


As actividades desenvolveranse ao longo das fins de semana dos meses de setembro, outubro e novembro, e para participar poderedes solicitar información nas confrarías de Lira e O Pindo. Ademais, no vindeiro ano está prevista a realización de cursos de iniciación á navegación a vela, e mesmo unha competición deportiva "Desafío Portos Pesqueiros" na Ría de Corcubión na modalidade Match-Race, que terá lugar no mes de setembro.


Parece evidente que só coidando o noso medioambiente e complementando a actividade mariñeira tradicional con actividades deportivas e de lecer poderemos preservar as nosas costas da esquilmación dos seus recursos, mellorando de paso a calidade turística da zona e tamén a calidade de vida dos veciños. Todos os esforzos que se encamiñen nese sentido non só son intelixentes e louvábeis, senón necesarios. Cómpre neste punto saudar unha vez máis o traballo continuado e concienciado da Confraría de Pescadores de Lira, cuxas iniciativas innovadoras pola revalorización da actividade mariñeira tradicional, e especialmente a Reserva Mariña e o proxecto Mardelira, deron a volta ao mundo e están a sentar xa un modelo a imitar por outras moitas confrarías.
Etiquetas: , , , , , , , , , , , ,

Hai 0 opinións.

Publica a túa!

 

Artigos máis lidos

Artigos máis recentes

  • CEIP de Carnota
  • CEIP O Pindo
  • Asociación Cultural Canle de Lira
  • Asociación Veciñal Insua de Lariño
  • IES Lamas de Castelo
  • Asociación Monte Pindo Parque Natural
  • Plataforma Salvemos o Faro de Lariño
  • Cooperativa de Agricultura Ecolóxica Rainha Lupa de Quilmas
  • Asociación Veciñal Relámpago de San Mamede
  • Asociación Cultural Deportiva Recreativa O Patín de Carnota
  • Asociación Cultural Deportiva Recreativa Pedramar do Pindo
  • Asociación Veciñal Pedras da Area de Mallou e Maceiras
  • Asociación Veciñal Xurde Caldebarcos

Visitas

Na memoria de Antón do Corenteno e Euloxio Franco

Páxina web da Asemblea local do BNG de Carnota. Todos os contidos desta páxina distribúense baixo licenza Creative Commons 2.5 menos onde se exprese o contrario. Isto é un traballo de Connosco baseado en Templateism.com. Séguenos nas nosas redes sociais: