AD (728x60)

Slider Section

Submenu Section

12/03/2016

Carnota logra un remanente de tesoureiría positivo por primeira vez nunha década

Comparte e opina:

Resumo do pleno de 09/03/16

O esforzo de saneamento economico das arcas municipais permitiron ao goberno local de Carnota liquidar o exercicio de 2015 cun remanente positivo de tesoureiría duns 206 mil euros. É a primeira vez nunha década que Carnota remata o ano en positivo, algo que parecía impensábel en exercicios anteriores e sobre todo logo da última etapa do PP no goberno, que ofreceu sempre remanentes negativos de entre -1 e -1,3 millóns de euros.

O BNG de Carnota agradece á veciñanza a súa gran paciencia e colaboración que permitiron ao goberno con paso lento pero seguro lograr este fito histórico, pois sabemos que houbo asuntos de importancia que tiveron que quedar no tinteiro estes anos, por culpa dunha situación económica pésima que obrigou a antepoñer o pago de facturas a outras cuestións. Sen embargo, o esforzo de todos os veciños e todas as veciñas tivo os seus froitos e hoxe afrontamos o futuro con moita máis ilusión e confianza na viabilidade económica do noso municipio.

Porén a situación non pode darse aínda por definitivamente superada. O actual executivo nacionalista herdou en 2011 do anterior goberno do PP débedas bancarias por 8 préstamos por un importe total de 5,16 millóns de euros dos que aínda temos pendentes 1,6 millóns de euros (un 32%) que o goberno fará todo o posíbel por liquidar canto antes para poder dicir moi pronto que o Concello de Carnota está por fin saneado e sen pufos.

Novos orzamentos para que Carnota recupere a senda do investimento público
A sesión serviu para aprobar os orzamentos municipais do 2016, co apoio da maioría dos concelleiros á proposta presentada polo goberno; PP e PSOE abstivéronse malia non ter presentado ningunha enmenda ao texto. Carnota prevé ingresar este ano uns 3,66 millóns de euros, dos que 2,94 corresponden a ingresos correntes e 0,74 a ingresos de capital. Pola contra o noso municipio gastará uns 3,61 millóns de euros, dos que 2,88 se destinarán a gastos correntes e 735 mil euros a investimentos públicos, dos que só aportará de recursos propios menos de 53 mil, é dicir, apenas o 7,21% do total que Carnota investirá no 2016.

Sen dúbida estamos ante unha boa nova pois estas cifras melloran o nivel de investimentos de etapas anteriores, e de feito son un 10% superiores aos primeiros orzamentos do anterior goberno do PP, os de 2008, cando daquela ainda apenas comezaba a falarse da crise económica.

Estes investimentos desglosaranse do seguinte xeito: 
  • Centro Sociocultural Usos Múltiples O Viso (200.000 €; esta polémica obra absorbe ademais a maior parte da achega propia que ten que facer o concello, 40.000€)
  • Rede de pluviais na Pedra en Lariño (79.317 €)
  • Rehabilitacion de Parque Infantil en Mar de Lira (77.317 €)
  • Acondicionamento e mellora de varios camiños veciñais (62.048 €)
  • Saneamento e pluviais en Vilar de Carnota (55.696 €)
  • Saneamento e pluviais en Caldebarcos (54.428 €)
  • Obras de conservacion de instalacións deportivas en Carnota (37.257 €)
  • Pavimentación do Camiño de Carnotela a Carnota (36.190 €)
  • Peche perimetral de contedores de lixo (34.689 €)
  • Saneamento e pluviais en Sestelos (34.291 €)
  • Obras de mellora na Biblioteca do Concello (30.966 €)
  • Obras de conservacion na área de ocio de Louredo (30.166 €)
  • Adquisición de terreos (1.100 €)
  • Investimentos Promoción Turística (1.000 €)
O Concello xa ten por fin a súa RPT
Por outra parte, a Relación de Postos de Traballo (RPT) xa é tamén unha realidade logo da súa aprobación pola corporación co voto en contra de PP e PSOE. O documento sirve para clarificar os postos de traballo necesarios na plantilla municipal, as súas funcións e retribucións. É un documento obrigatorio para todos os municipios, malia o cal o de Carnota non o tivo ata agora, despois de varios meses de negociacións nas que o PSOE e o PP fixeran fronte común para tentar aproveitar o debate para confundir e enfrentar aos traballadores entre si e contra o goberno local. Malia todo finalmente foi posíbel o consenso cos traballadores para acadar un acordo satisfactorio que sen dúbida beneficiará no presente e no futuro aos empregados e empregadas públicas do noso Concello.

O pleno apoia sumar media dedicación ao goberno
Como ben sabe a veciñanza, a crítica situación das arcas municipais, daquela ao borde da intervención, levara no ano 2011 ao BNG a defender con firmeza na campaña electoral a proposta dunha única dedicación exclusiva, a do alcalde, por un importe nunca superior aos 2.000 euros mensuais. Esa proposta fíxose realidade só unha semana despois de obter o BNG a alcaldía.

5 anos despois e logo dun inmenso esforzo de contención do gasto, a actual situación económica permite, por fin, afrontar o futuro con garantías e mesmo valorar a posibilidade de sumar unha media dedicación á do alcalde para apoialo nas súas tarefas. A proposta vén de ser apoiada pola inmensa maioría dos concelleiros, e servirá para apoiar ao alcalde no seu día a día a un custo máis que asumíbel para as arcas, pola metade exacta do que vén percibindo o alcalde Moncho Noceda. Asi, de aplicarse a nova proposta, os soldos políticos do Concello de Carnota pasarán dos 28.000 aos 42.000 euros anuais, menos da terceira parte do que se cobraba no ano 2010, último do PP no goberno de Carnota.

Serie histórica dos gastos políticos de Carnota. En 2016, coa nova proposta.
Etiquetas: , , , ,

Hai 2 opinións.

  1. son de lira18/12/2016 18:39

    todo mentira, para gastarse 31 mil euros na biblioteca do concello xa ai que ter huevos. e que eu sepa arreglar un parque infantil en LIRA non creo que coste 77 mil euros,,e obras de conserbacions deportivas en carnota 37 mil euros, e donde esrtan todas estas milloras que vostedes din.

    ResponderExcluir
  2. outro de Lira22/02/2017 13:22

    "son de lira" xa se ve que muito non vas pola biblioteca porque si foras verias que mete medo cas humedades que ten. supoño que do demas que falas tes a misma idea (o sea ninguna) e si vas a chamar mentireiro a alguen polo menos trae probas homiño.

    ResponderExcluir

 

Artigos máis lidos

Artigos máis recentes

  • CEIP de Carnota
  • CEIP O Pindo
  • Asociación Cultural Canle de Lira
  • Asociación Veciñal Insua de Lariño
  • IES Lamas de Castelo
  • Asociación Monte Pindo Parque Natural
  • Plataforma Salvemos o Faro de Lariño
  • Cooperativa de Agricultura Ecolóxica Rainha Lupa de Quilmas
  • Asociación Veciñal Relámpago de San Mamede
  • Asociación Cultural Deportiva Recreativa O Patín de Carnota
  • Asociación Cultural Deportiva Recreativa Pedramar do Pindo
  • Asociación Veciñal Pedras da Area de Mallou e Maceiras
  • Asociación Veciñal Xurde Caldebarcos

Visitas

Na memoria de Antón do Corenteno e Euloxio Franco

Páxina web da Asemblea local do BNG de Carnota. Todos os contidos desta páxina distribúense baixo licenza Creative Commons 2.5 menos onde se exprese o contrario. Isto é un traballo de Connosco baseado en Templateism.com. Séguenos nas nosas redes sociais: