AD (728x60)

Slider Section

Submenu Section

21/03/2011

O BNG transformará Carnota desde a sociedade e para a sociedade

Comparte e opina:

Máis dun cento de veciños arrouparon en Caldebarcos o equipo que vai transformar Carnota


Desbordáronse todas as previsións de asistencia á cea-presentación da candidatura do BNG de Carnota: máis dun cento de veciños achegáronse a Caldebarcos para arroupar masivamente a posta de longo de Moncho Noceda e do equipo do BNG de Carnota. Foi durante un acto que culminou en festa rachada e que foi presentado pola responsábel local, Belén Campos, no que tamén estiveron acompañados polo deputado Bieito Lobeira.

Nun ambiente cordial, alegre e sobre todo fraternal, os veciños e as veciñas coñeceron a candidatura do BNG e tamén a idea estrela: transformar Carnota desde a sociedade e para a sociedade. Como explicou Ramón Noceda, lonxe de propostas irrealizábeis, o BNG é consciente da absoluta ruina económica e social do executivo municipal en mans do PP, e sinalou que só co apoio da sociedade e para a sociedade Carnota pode aspirar a ter un futuro digno, e onde os seus fillos e fillas non se vexan abocados a gañarse a vida fóra.

Menos control político, máis futuro
Moncho Noceda explicou as liñas xerais do programa
Para iso, o BNG traballará para deixar atrás o férreo control político vixente en temas como contratación, proxectos, investimentos... e para normalizar a vida política municipal. Estes catro anos o goberno de Carnota trasladoulle á sociedade a idea de que se non es do PP, non tes nada que facer, mentras se dedicaba ao dispendio nos seus propios intereses. O BNG vai rachar esta tendencia e aspira a contar co suficiente apoio veciñal para substituir a intolerancia por participación social, normalidade democrática e priorización de investimentos e proxectos que atendan as necesidades máis apremiantes da sociedade.

En definitiva, o BNG devolverá aos veciños o control sobre os seus recursos, democratizará a vida municipal e racionalizará o gasto público. Neste sentido, Noceda tamén anunciou que o BNG só apoiará unha única dedicación no goberno municipal, a do alcalde, goberne quen goberne, e esta non excederá en ningún caso os 2.000 euros; un soldo xusto, realista e acorde coas posibilidades dun concello coma Carnota.

Propostas desde a sociedade para a sociedade
Ramón Noceda adiantou que os grandes proxectos do BNG para Carnota non serán entelequias, senón que o BNG impulsará iniciativas que xa están perfiladas grazas ao protagonismo que adquiriu a sociedade estes 4 anos para compensar a parálise municipal: creación do Consello Local de Pesca para apoiar os proxectos Mar de Lira (ameazado agora pola desidia da Xunta e do alcalde de Carnota), e Pindo Mariño, e para devolver a dignidade ao colectivo mariñeiro e marisqueiro; posta en valor do monte e do agro, recursos hoxe abandonados pero fundamentais para o desenvolvemento de Carnota; revitalización do tecido empresarial, dotando de solo empresarial o municipio; saneamento financieiro, acabando co saqueo de recursos municipais para políticos e acólitos; restitución de todos os servizos sociais suprimidos ou reducidos nesta lexislatura (axenda cultural, asistencia a domicilio, residencia da terceira idade, centro de día, gardería infantil); e, por suposto, declaración de Parque Natural no Monte Pindo, que incríbelmente non apoian PP nin PSOE.

Para facer o documento o máis representativo posíbel das demandas reais da veciñanza, o BNG pode agradecer que contou coa colaboración de ducias de colectivos e de centos de veciños de todos os lugares na redacción das súas propostas, e antes de presentar o documento definitivo vaino expor novamente a todas as entidades sociais para a súa avaliación final conxunta.

Xente real
Foto: La Voz de Galicia
Propostas reais para xente real; este é o espírito das propostas nacionalistas. Pero para desenvolvelas, tamén contarán con persoas reais, representativas dos movementos sociais, coñecidas e queridas pola veciñanza e sobre todo dispostas a traballar por e para todos e cada un dos veciños de Carnota. Nos postos de saída a lista está conformada por, ademais de Moncho Noceda, a actual concelleira Merche Díaz (O Pindo), Iván Franco (Carnota), Antón Federico Beiro (San Mamede), Belén Campos (Caldebarcos), Carme Siaba (Lira) e Rafael Sestayo (Lariño). A candidatura completa supón unha profunda renovación, unha importante presenza feminina e tamén unha xusta representación de cada localidade para que todas e todos os veciños se poidan ver reflectidos na alternativa que propón o BNG.

Bieito Lobeira arengou o cambio en Carnota e Galiza
Lobeira intervén rodeado por Moncho e Merche
O acto rematou coa intervención de Bieito Lobeira, que saudou emocionado a ilusión que percibe entre os veciños por un futuro mellor, e salientou que o BNG é a forza que encarna as esperanzas de cambio non só en Carnota, pois PP e PSOE están tan seducidos polos intereses e os poderes económicos que se esqueceron da poboación á que se deben. Neste punto, Bieito fixo unha sentida mención ao falecido compañeiro Euloxio Franco, pois ao igual que o BNG estivo sempre a carón dos veciños aos que se debía, momento que arrincou o aplauso máis afervoado e prolongado da noite.
A candidatura do BNG de Carnota

1. RAMÓN NOCEDA CAAMAÑO
2. MERCEDES DÍAZ MAYÁN (O Pindo)
3. IVÁN FRANCO CAAMAÑO (Carnota)
4. ANTÓN FEDERICO BEIRO OREIRO (Canedo)
5. BELÉN CAMPOS DÍAZ (Caldebarcos)
6. CARMEN SIABA DOSIL (Lira)
7. RAFAEL SESTAYO LOURO (Lariño)
8. JOSÉ ANTONIO DOMÍNGUEZ CAAMAÑO (Carnota)
9. JOSÉ MANUEL TRILLO SABORIDO (Maceiras)
10. BETTY RIVEIRO COSTA (O Pindo)
11. ENCARNA BEIRO GONZÁLEZ (San Mamede)
12. PEDRO BALAYO CAAMAÑO (Lira)
13. CESAR CAMBEIRO QUINTELA (Caldebarcos)
14. JOSÉ MARÍA RIVEIRO SIABA (Louredo)
15. FATIMA DOSIL CAAMAÑO (Lira)
16. MARÍA LUISA AGULLEIRO MALVÁREZ (San Mamede)
17. MARCELINO SABORIDO LAGO (Mallou)
18. CONSUELO LAMELA PIÑEIRO (O Pindo)
19. MIRTA CAMBEIRO CAAMAÑO (Vilar de Carnota)
20. RUBÉN GONZÁLEZ LAGO (Lariño)
21. JOSÉ MARÍA SILVA MARTÍNEZ (Adraño)
Etiquetas: , , , , , , , , , , , ,

Hai 8 opinións.

  1. Adiante xa, co BNG

    ResponderExcluir
  2. Na lista de abaixo aparece o candidato co lugar de dónde é, sin embargo, O número 1 non pón de onde é...
    PORQUE DE LARIÑO SERÁ...(disque), porque aquí ninguén o considera veciño...

    ResponderExcluir
  3. Pois mal veciño debes ser ti para non recoñecer a persoas nacidas no teu lugar. Este é o problema dalgúns que renegan do que é seu en vez de coidalo, supoño que porque non pensa coma ti. Por sorte eses tempos van cambiar o 22 de maio, cando votemos a MONCHO DE LARIÑO... e de Lira, e de Carnota, e de San Mamede, e de Caldebarcos, e do Pindo, e de todos os veciños, como novo alcalde de Carnota.

    ResponderExcluir
  4. Pois de Santa Comba non é

    ResponderExcluir
  5. jajajaja mal veciño non son non,o que pasa é que a moncho só se lle ve o plumero agora que hai eleccións. Como os do PP que só se ven nos bares cando chejan as votasións.
    É o que pensamos a gran parte de Lariño. Desde lojo a nós non nos representa como veciño do noso lujar. ONDE TEN A CASA??? VIVE AQUÍ??? SABEDELO??? POIS ENTONCES...se ser de Lariño é vir aquí de ves en cando para arañar catro votos...

    ResponderExcluir
  6. Na miña opinión, non se trata de que represente a Lariño ou a calquer outro lugar, trátase de que represente a TODOS os veciños do concello de Carnota. E eu creo que Moncho preocupase moito máis de Lariño e de todos os lugares de Carnota que o goberno actual, que só se preocupa dos seus intereses personais.

    ResponderExcluir
  7. Pois son de Lariño e Moncho non vai ter fallo, e non porque sea de Lariño senón porque é xente. Como se arrimen á miña porta o vividor de Campos ou o dos 6 mil euros xa poden correr.

    ResponderExcluir
  8. De Lariño é... que o mellor hasta ten o mesmo apelido que o anónimo nº 5.

    ResponderExcluir

 

Artigos máis lidos

Artigos máis recentes

  • CEIP de Carnota
  • CEIP O Pindo
  • Asociación Cultural Canle de Lira
  • Asociación Veciñal Insua de Lariño
  • IES Lamas de Castelo
  • Asociación Monte Pindo Parque Natural
  • Plataforma Salvemos o Faro de Lariño
  • Cooperativa de Agricultura Ecolóxica Rainha Lupa de Quilmas
  • Asociación Veciñal Relámpago de San Mamede
  • Asociación Cultural Deportiva Recreativa O Patín de Carnota
  • Asociación Cultural Deportiva Recreativa Pedramar do Pindo
  • Asociación Veciñal Pedras da Area de Mallou e Maceiras
  • Asociación Veciñal Xurde Caldebarcos

Visitas

Na memoria de Antón do Corenteno e Euloxio Franco

Páxina web da Asemblea local do BNG de Carnota. Todos os contidos desta páxina distribúense baixo licenza Creative Commons 2.5 menos onde se exprese o contrario. Isto é un traballo de Connosco baseado en Templateism.com. Séguenos nas nosas redes sociais: