AD (728x60)

Slider Section

Submenu Section

11/06/2021

Macro-eólicos en Carnota, así NON!!!


Nos últimos días fomos coñecedores do proxecto eólico que se pretende levar a cabo no Cabazo e que afectaría ao noso Concello.

Polo que percibimos hai unha total falta de transparencia por parte do Goberno da Xunta e do Goberno Central en todo o que rodea a este tipo de proxectos especulativos.

Pola información de que dispoñemos e recabada pola nosa parte nos últimos días sabemos que a empresa Green Capital Power, con domicilio social en Pozuelo de Alarcón (Madrid), presentou xa o ano pasado (en plena pandemia) o proxecto ou plan previo “Parque Eólico do Cabazo” e que desde o 8 de marzo deste ano o proxecto está para avaliación ambiental ante a Dirección Xeral de Calidade e Avaliación Ambiental do Ministerio para a Transición Ecolóxica.

Descoñecemos se a empresa ten presentada a solicitude para a súa instalación.

No día de hoxe, a petición nosa, mantivemos unha reunión co alcalde que nos di que no Concello non teñen ningunha comunicación oficial deste proxecto, durante a mesma desde o grupo municipal do BNG solicitámoslle a celebración dunha reunión informativa aberta a toda a veciñanza (colectivos veciñais, comunidades de montes, de augas...) unha vez teñan toda a información relativa a este proxecto.

Ca información que temos e conforme co esgrimido na moción presentada polo BNG e aprobada no último pleno municipal celebrado o 27 de maio en defensa dun modelo de enerxía eólica sustentábel, xusta e galega fronte ao espolio e depredación, xa presentamos as alegacións oportunas https://1drv.ms/w/s!AjWVDxAfzD2giF9Ujswqeth6vXtB .

Imos seguir traballando e estaremos atentos para evitar o espolio.

 

ENERXÍA EÓLICA SUSTENTÁBEL, XUSTA E GALEGA!

 

Etiquetas:

Hai 0 opinións.

Publica a túa!

 

Visitas

Na memoria de Antón do Corenteno, Euloxio Franco e Marupe Armendáriz

Páxina web da Asemblea local do BNG de Carnota. Todos os contidos desta páxina distribúense baixo licenza Creative Commons 2.5 menos onde se exprese o contrario. Isto é un traballo de Connosco baseado en Templateism.com. Séguenos nas nosas redes sociais: