AD (728x60)

Slider Section

Submenu Section

16/09/2008

Carnota queda sen polígono empresarial... o PP "resta e segue"

Comparte e opina:
A estas alturas xa nada nos sorprende. Todo é parte do mesmo. Somentes é cuestión de ter un pouco de memoria.

No comenzo da nova lexislatura os médicos de Carnota deixaron de ser substituídos durante as súas vacacións. A excusa do PP é que non teñen competencias. En consecuencia, a pasividade do novo goberno municipal significou o peche durante semanas dos centros médicos de Lira e o Pindo e o saturamento do único servizo que quedou en funcionamento, o de Carnota. Co goberno anterior nunca se producira esta situación... casualidade.
Pouco despois suprímense uns servizos pioneiros na comarca e que eran un privilexio para un concello das dimensións de Carnota: a Escola de Idiomas, as escolas deportivas e a Escola de Informática, polas que pasaron moitos centos de veciños de todas as idades. A excusa, que non eran escolas senón cursillos. A consecuencia, a perda duns servizos públicos de calidade, gratuitos para o veciño e case gratuitos para o Concello... casualidade.

Logo o goberno do PP decidiu renunciar á Gardería Infantil Pública (Galescola) que xa estaba contratada polo goberno anterior, e que conlevaba un investimento de 550.000€ para Carnota. A excusa, esta vez, foi que estaban a procurar unha nova localización da que nunca máis se soubo en Carnota nin na Xunta... casualidade.

Por non falar do Paseo Marítimo do Pindo, porque o alcalde de Carnota manifestou reiteradamente a súa vontade de botalo proxecto abaixo, utilizando como excusa que non era o que a el lle gustaría e que había que derrubar o histórico Pósito dos Mariñeiros (que mal lle faría para obsesionalo tanto?). Sorte que, neste caso, o concello de Carnota xa non tiña competencias e non puido facer nada por evitalo... casualidade.

Pouco despois, seguindo coa súa peculiar labor destructiva, o goberno aproba unhas taxas de conexión ao saneamento de arredor de 450€ por casa, e a empresa aproveita a connivencia do goberno para comezar a cobrar o servizo a ducias ou centos de casas que nin sequera teñen saneamento no seu pobo. A excusa dada esta vez polo PP, que o mundo é inxusto. A consecuencia, un incremento brutal da presión fiscal sobre o veciño a cambio de non colocar un só tubo novo nun ano e pico... casualidade.

Tampouco a asistencia a domicilio se librou "das artes" do PP de Carnota, que implantou unha taxa polo servizo e un rosario de formularios, solicitudes e certificados que a persoa dependente debe presentar para optar sequera a ser atendida. A excusa, a racionalización do servizo. A consecuencia, de contar nalgún momento ata con 14 persoas traballando na asistencia domiciliaria pasouse a 3, e agora ademais hai que pagalo... casualidade.

O goberno anterior promovía e emprendía tarefas de limpeza e restauración do noso patrimonio tradicional. Boa proba é a rehabilitación de varios conxuntos de casetas e muíños. O novo goberno do PP non só non as promove, senón que multa aos veciños que as fan coa excusa de supostas licenzas de obra necesarias. A consecuencia, o abandono total duns conxuntos que comezaban a ver a luz nas derradeiras lexislaturas e que os veciños pensen que se as recuperan eles o concello lles vai ao peto... casualidade.

A última consecuencia máis deste “tsunami” que significou o PP para Carnota é a perda do Polígono Empresarial, pois deixou morrer de inanición un proxecto que iniciara a súa andaina no ano 2004. A excusa... esta vez nin sequera a dou. A consecuencia: o Concello de Carnota perde 4 anos de tramitación do Polígono Empresarial e vese abocado a comezar desde cero, se é que o queren... casualidade?

No BNG de Carnota pensamos que chegou o momento de esixir responsabilidades. Sería o máis normal do mundo que o equipo de goberno do PP tivera un proxecto distinto ao que o BNG desenvolviu no goberno de Carnota, faltaría máis. O que non é normal é que lle pasen o rodillo a todas as iniciativas do goberno anterior a cambio de nada, xa que nin proxecto alternativo demostran ter e só reviran dependendo de por onde lles da o vento. Porque ao final quen paga non é o anterior goberno do BNG senón todos os veciños.

Non nos queda outra que pedir sentidiño ao PP e que deixen de machacar todas as xestións herdadas: o inimigo non é o BNG, nin a Xunta ou a Deputación, nin os proxectos que se atoparon en marcha ao acceder ao goberno. O inimigo é o despoboamento, o desemprego, a perda de calidade de vida, a perda de servizos, a presión fiscal que se está a crear sobre o veciño, a perda de subvencións e axudas, a multiplicación do endebedamento, o incremento desproporcionado dos gastos en soldos políticos, o réxime de multialcaldes que estableceron nada máis tomar o poder. Cando empecen a entendelo Carnota volverá a ter goberno.
Etiquetas: , , , , , , , ,

Hai 3 opinións.

  1. A verdade é que o PP anda ca axenda de burradas ben completiña. O que se lle vai quedando pequena é o diccionario de excusas estúpidas. Pídollo por favor, o mellor para Carnota é que se quiten a careta e digan dunha vez que mentras eles gobernen EN CARNOTA NON SE VAI FACER NADA, para que asi se vaia enterando a xente (que aínda non o saiba) que non hai con quen contar nos 3 anos que quedan, que só se van a dedicar a encher os bolsillos a final de mes mentres botan o concello a pique sen remedio.
    O outro dia pasei polo concello e aquelo era un puto deserto: caras largas, portas atrancadas a cal e canto, xa nin sequera entra a xente pola porta cando hai so un ano era un dos lugares máis bulliciosos do concello e o ambiente era fenomenal.
    Que larga se nos vai facer esta lexislatura. Só lle deseo aos que veñan detrás todo o ánimo -e sorte- para conseguir levantar de novo esta CATÁSTROFE que fui, é e será o PP para Carnota.
    Mentras tanto da ganas de censarse en Pernambuco.

    ResponderExcluir
  2. Semana tras semana, mes tras mes, o actual equipo de goberno está demostrando que son uns completos inútiles. Só así se pode explicar que podendo facer unha lexislatura tranquila e efectiva (apuntandose os proxectos que o goberno anterior tiña aprobados e deixandoos facer), estén a escarallar todo canto tocan. É que non botan unha ao cesto! Deixan bastante claro que o único que lles interesa é encher o peto, pagar favores e sair na foto; e que só se acordan do pobo para sacarlle os cartos e poñerlle trabas.

    ResponderExcluir
  3. O problema non é só que sean inutiles, é que son ignorantes, eu non é que sea licenciada pero para min que ainda non se enteran moito de onde están nin o que teñen que facer, por eso digo que demostran moita IGNORANCIA a todolos niveles. O unico que parecen ter claro desde que chegaron é que o concello podía pagar uns poucos salarios millonarios, pero a liquidez non vai durar toda a vida e dentro dun par de anos non van ter nin para pagarlle a tanto tenente de alcalde e enchufadiño "fillo de".

    ResponderExcluir

 

Artigos máis lidos

Artigos máis recentes

  • CEIP de Carnota
  • CEIP O Pindo
  • Asociación Cultural Canle de Lira
  • Asociación Veciñal Insua de Lariño
  • IES Lamas de Castelo
  • Asociación Monte Pindo Parque Natural
  • Plataforma Salvemos o Faro de Lariño
  • Cooperativa de Agricultura Ecolóxica Rainha Lupa de Quilmas
  • Asociación Veciñal Relámpago de San Mamede
  • Asociación Cultural Deportiva Recreativa O Patín de Carnota
  • Asociación Cultural Deportiva Recreativa Pedramar do Pindo
  • Asociación Veciñal Pedras da Area de Mallou e Maceiras
  • Asociación Veciñal Xurde Caldebarcos

Visitas

Na memoria de Antón do Corenteno e Euloxio Franco

Páxina web da Asemblea local do BNG de Carnota. Todos os contidos desta páxina distribúense baixo licenza Creative Commons 2.5 menos onde se exprese o contrario. Isto é un traballo de Connosco baseado en Templateism.com. Séguenos nas nosas redes sociais: