AD (728x60)

Slider Section

Submenu Section

12/05/2005

OS CONTOS DE DON MANUEL E VILLAR MIR

A amizade entre Fraga e Villar Mir ven xa dende moi atrás e que algunhas fontes sitúan no xurásico. É o de menos. Cada vez que o empresario ven a Galiza – en época electoral -, non dubida en darlle unha visita ó seu maior benefactor Fraga (a el débelle un incontable número de concesións hidroeléctricas, curiosamente algunhas delas son da última lexislatura), e froito desas xuntanzas xurden as máis insólitas propostas: Hai dúas lexislaturas anunciou a bombo e platillo a construcción dun novo forno para Ferroatlántica no concello de Dumbría coa creación de máis de 50 postos de traballo. Hai unha legxislatura volveu a reiterar o do forno e xa deixou vislumbrar a mellora do porto. E agora nesta legislatura xa abandonou o do forno e ven coa creación dun macroporto en Brens que lle vai solucionar os problemas a toda a comarca.
Utilicemos a lóxica para analiza-la nova proposta :
1º A maior industria da Comarca (Ferroatlántica) está nun claro proceso de desfacerse da súa parte industrial e quedarse somentes coa eléctrica (na última década baixou dos 500 empregados a menos de 250) co cal o porto non lle vai ter moita razón de ser.
2º Non hai perspectivas da creación de novas industrias que cando menos manteñan o volúme actual de tráfico portuario.
3º Se se vai facer un porto desa envergadura (previsto para buques de ata 25.000 toneladas), o normal é facer unhas vias que dean desaloxo a ese gran tráfico de mercancías. Que se saiba, ata o momento non se oiu falar de melloras nos accesos ó novo porto, co cal a población de Cee quedaría bloqueada polo tráfico.
4º Xa é, cando menos, a terceira vez que estes dous parrulos nos veñen con gaiteiradas ás vísperas dunhas eleccións.

Estamos pois diante doutro dos contos de D. Manuel e o Sr. Villar Mir
Etiquetas:

Hai 0 opinións.

Publica a túa!

 

Visitas

Na memoria de Antón do Corenteno, Euloxio Franco e Marupe Armendáriz

Páxina web da Asemblea local do BNG de Carnota. Todos os contidos desta páxina distribúense baixo licenza Creative Commons 2.5 menos onde se exprese o contrario. Isto é un traballo de Connosco baseado en Templateism.com. Séguenos nas nosas redes sociais: