AD (728x60)

Slider Section

Submenu Section

29/04/2019

O BNG duplica resultados en Carnota e Galiza mais é insuficiente para devolver a voz galega ao Congreso

Comparte e opina:

A nosa mensaxe de campaña era clara: votar ao BNG para frear a extrema dereita de Vox (con quen todo apuntaba que se desputaba o último escano da Coruña) e devolver a voz do pobo galego a Madrid, ausente dos grandes debates desde que o BNG perdeu a súa representación, ao contrario das forzas nacionais bascas e catalás que si reivindicaron e obtiveron o seu espazo.

Parte do pobo galego entendeu a mensaxe e optou por ter voz propia, e o BNG duplicou os seus votos polo que o obxectivo conseguiuse parcialmente, e o BNG impúxose a Vox deixándoos sen ningún escano en Galiza.

Porén foi a dereita españolista de Ciudadanos quen se faría finalmente cos últimos escanos en xogo na Coruña e Pontevedra pola fragmentación do nacionalismo, que finalmente imposibilitou que o BNG obteña representación en Madrid, quedándose ás portas malia duplicar os votos obtidos no anterior proceso.

O BNG duplica en Carnota

En Carnota os resultados do nacionalismo foron positivos, pois recuperou un pulso nas Eleccións Xerais que parecera perder nos anteriores procesos: o BNG duplica votos e colócase como terceira forza no Concello, converténdose na segunda praza con máis apoio para o nacionalismo galego na Costa da Morte (só tras Corcubión) e superando amplamente tanto a Ciudadanos como a Podemos; De feito, é a única praza da Costa da Morte na que o fixo e ademais polo maior marxe de votos nos dous casos.

A esquerda duplica á dereita en Carnota

Por último, comprácenos ver que en Carnota a suma das esquerdas tamén duplica practicamente a suma das dereitas, deixando claro que unha cita tradicionalmente benévola para a dereita no noso Concello xa non o é tanto, o que pode indicar un cambio de ciclo con menor nivel de voto cautivo do Partido Popular e a dereita españolista. Porén está claro que a vitoria a nivel carnotán foi nesta ocasión para o PSOE, a quen aproveitamos para parabenizar e convidamos a loitar para que desde a súa renovada maioría parlamentaria en Madrid e previsíbel goberno non ceda á presión das dereitas máis rancias e españolistas e sitúe no centro do debate, cando menos a través dos seus membros galegos, os problemas de Galiza en xeral e de Carnota en particular.

Agradecemos enormemente o traballo feito por membros de mesas electorais, funcionariado, interventores e apoderados que contribuíron a que a xornada electoral saíse perfecta, e sobre todo ás persoas que nas distintas parroquias de Carnota entenderon e compartiron a nosa proposta, recuperando a confianza no BNG nunha cita complicada. Non foi posíbel acadar o máximo obxectivo, pero o BNG volve a estar de moda e moi pronto iso só pode traducirse en éxitos e cousas positivas para Carnota e para o País.
Etiquetas: , ,

Hai 2 opinións.

  1. Eu votei por primeira vez ao Bloque e non me arrepinto, estou orgulloso de formar parte dos case cen mil galegos fartos de non contar e que queremos ter voz propia.
    Outra vez teremos máis sorte.

    ResponderExcluir
  2. Gran campaña e de feito sodes os únicos que pisástedes a rúa. O traballo dará a súa recompensa, ánimo.

    ResponderExcluir

Axenda de campaña

Venres 10 de maio

  • 19:00 h. Acto público de apertura de campaña en Quilmas, dirixido á veciñanza de Quilmas e A Curra
  • 20:00 h. Acto público en Panchés

Sábado 11 de maio

  • 18:30 h. Acto público no Viso
  • 20:00 h. Acto público en Caldebarcos

Domingo 12 de maio

  • 19:00 h. Acto público en Carnota
  • 20:30 h. Acto público en Pedrafigueira

Venres 17 de maio

  • 19:00 h. Acto público na Montaña
  • 20:30 h. Acto público en Cornido

Sábado 18 de maio

  • 18:30 h. Acto público en Canedo
  • 20:00 h. Acto público en Louredo

Domingo 19 de maio

  • 18:30 h. Acto público en Lariño
  • 20:00 h. Acto público en Mallou, dirixido á veciñanza de Mallou e Maceiras

Martes 21 de maio

  • 12:20-14:00 h. Debate radiofónico en Radio Nordés

Xoves 23 de maio

Venres 24 de maio

A nosa candidatura

  1. Emilio Louro Lamela, “Milucho”
  2. Belén Campos Díaz
  3. Manolo Souto Barreiro
  4. Pilar Tubío Lariño
  5. Iván Franco Caamaño
  6. Susana Riveiro Siaba
  7. Nicola Lurie Mitchell
  8. Jorge Fiuza Barreiro
  9. Cecilia Caamaño García
  10. Jesús Manuel Caamaño Caamaño, "Chuchú"
  11. Ramón Noceda Caamaño
  12. Suplentes
  13. Marupe Armendáriz Villar
  14. Cándido Caamaño Lado, “Marcelino”
  15. Fátima Dosil Caamaño
  16. Marisa Agulleiro Malvarez
  17. Marcelino Saborido Lago, “Marcelo”
  18. Agustín Lamela Caamaño, “Curral”
  19. María Socorro González Otero
  20. María Manuela Núñez Garcia
  21. Iago Maceiras Dosil
 

Facebook

  • ACEP Carnota
  • ACDR Asaghieiras
  • CEIP de Carnota
  • CEIP O Pindo
  • Asociación Cultural Canle de Lira
  • Asociación Veciñal Insua de Lariño
  • IES Lamas de Castelo
  • Asociación Monte Pindo Parque Natural
  • Plataforma Salvemos o Faro de Lariño
  • Cooperativa de Agricultura Ecolóxica Rainha Lupa de Quilmas
  • Asociación Veciñal Relámpago de San Mamede
  • Asociación Cultural Deportiva Recreativa O Patín de Carnota
  • Asociación Cultural Deportiva Recreativa Pedramar do Pindo
  • Asociación Veciñal Pedras da Area de Mallou e Maceiras
  • Asociación Veciñal Xurde Caldebarcos

Visitas

Na memoria de Antón do Corenteno e Euloxio Franco

Páxina web da Asemblea local do BNG de Carnota. Todos os contidos desta páxina distribúense baixo licenza Creative Commons 2.5 menos onde se exprese o contrario. Isto é un traballo de Connosco baseado en Templateism.com. Séguenos nas nosas redes sociais: