AD (728x60)

Slider Section

Submenu Section

23/05/2019

A muller merece desenvolver a súa vida nun entorno libre de violencia e discriminacións

Comparte e opina:
Acción en Carnota en defensa do dereito a decidir das mulleres sobre o seu corpo
Unha das maiores transformacións vividas no Concello de Carnota nos últimos anos foi o aumento significativo da sensibilización sobre as problemáticas específicas que sofren as mulleres, e moi nomeadamente no sentido das discriminacións e das violencias machistas, que motivaron medidas e políticas específicas.

O goberno local do BNG de Carnota asumiu con absoluta convicción que un executivo municipal non pode permanecer impasíbel ante esta lacra ou percibila coma algo estrutural ou alleo, agardando tan só a saír a lamentarse ante o seguinte caso mediático de violencia machista; o goberno debe ser totalmente consciente da gravísima problemática que segue a suporlle ás mulleres o machismo aínda inherente en parte da nosa sociedade, e ten que ser proactivo tanto na diagnose coma na prevención e corrección de situacións de posíbel discriminación contra as mulleres.

Por iso o goberno de Carnota, a través da Concellería de Igualdade e Diversidade liderada por Marupe Armendáriz, lanzou no pasado mandato o IV Plan Municipal de Igualdade entre Mulleres e Homes, con vixencia 2019-2022, dando continuidade ao traballo feito neste campo polos anteriores executivos do BNG de Carnota. Este documento parte dunha diagnose realista da situación e fixa medidas reais e efectivas para a prevención do maltrato e da violencia machista, para a conciliación da vida laboral e familiar, para a plena inserción da muller no entorno laboral, etc.

A este proxecto súmanse iniciativas máis puntuais coma os Marzos feministas, a campaña Carnota en negro, ou os obradoiros de autodefensa para mulleres, que resultaron ser un rotundo éxito de participación.

Agardamos que esta aposta pola igualdade real entre homes e mulleres sirva para contribuír a erradicar dunha vez as violencias e discriminacións que sufren as mulleres polo simple feito de selo.

Contra a violencia machista, nin un paso atrás!


Etiquetas: , , , , , , , , , , , , , , , , , ,

Hai 0 opinións.

Publica a túa!

 

Facebook

  • ACEP Carnota
  • ACDR Asaghieiras
  • CEIP de Carnota
  • CEIP O Pindo
  • Asociación Cultural Canle de Lira
  • Asociación Veciñal Insua de Lariño
  • IES Lamas de Castelo
  • Asociación Monte Pindo Parque Natural
  • Plataforma Salvemos o Faro de Lariño
  • Cooperativa de Agricultura Ecolóxica Rainha Lupa de Quilmas
  • Asociación Veciñal Relámpago de San Mamede
  • Asociación Cultural Deportiva Recreativa O Patín de Carnota
  • Asociación Cultural Deportiva Recreativa Pedramar do Pindo
  • Asociación Veciñal Pedras da Area de Mallou e Maceiras
  • Asociación Veciñal Xurde Caldebarcos

Visitas

Na memoria de Antón do Corenteno e Euloxio Franco

Páxina web da Asemblea local do BNG de Carnota. Todos os contidos desta páxina distribúense baixo licenza Creative Commons 2.5 menos onde se exprese o contrario. Isto é un traballo de Connosco baseado en Templateism.com. Séguenos nas nosas redes sociais: